Më shumë se 180 njerëz janë plagosur në ndërhyrjen e forcave izraelite kundër palestinezëve në Mesxhid Al-Aksa në Kudsin Lindor të pushtuar.
Sipas një deklarate me shkrim të bërë nga Gjysmëhëna e Kuqe Palestineze, policia izraelite plagosi më shumë se 180 njerëz, përfshirë punonjës të Gjysmëhënës së Kuqe.
Nga të plagosurit, 80 janë shtruar në spital.
Siç njoftoi korrespondenti i AA-së në terren, policia izraelite ka ngritur dron mbi zonën e faltores së shenjtë Al-Aksa.
Në incidentet që pasuan pas kësaj, policia izraelite ndërhyri ndaj të gjithë palestinezëve në Haram Al-Sherif, përfshirë Xhaminë e Kibles dhe Kupolën e Shkëmbit.
Zëdhënësi i Vakëfeve Islame të Kudsit, Firas Dibs, tha se disa të plagosur janë arrestuar nga policia izraelite gjatë dërgimit në spital.
Fotoreporteri i AA-së plagoset për herë të dytë
Fotoreporteri i AA-së, Mustafa Kharouf, i cili u godit nga një plumb plastik në shpinë gjatë ndërhyrjes së policisë izraelite më 7 maj, u plagos gjithashtu në gjoksin e tij ndërsa ndiqte ngjarjet e fundit në Harem Al-Sharif.
Siç mësohet, përveç tij, të plagosur kanë mbetur edhe gazetarë të tjerë.
Ndërhyrja e policisë izraelite ndaj palestinezëve në Mesxhid Al-Aksa
Mijëra palestinezë të cilët e falën namazin e sabahut në Mesxhid Al-Aksa, më pas organizuan një demonstratë në oborrin e faltores, duke thirrur tekbire.
Pas demonstratës, palestinezët filluan të qëndrojnë në kompleks për ta mbrojtur atë nga bastisjet e hebrenjve fanatikë.
Ndërkaq, më pas, policia izraelite duke bastisur Al-Aksanë, intervenoi ndaj palestinezëve me gaz lotsjellës dhe plumba.
Hebrenjtë fanatikë festojnë “ditën e Kudsit” sipas kalendarit hebre, për të përkujtuar përvjetorin e Luftës së Gjashtëditore kur Izraeli në vitin 1967 okupoi Kudsin Lindor.
Organizatat fanatike hebreje, me rastin e “ditës së Kudsit” që këtë vit përkon me datat 9-10 maj, kishin bërë thirrje për bastisje në Mesxhid Al-Aksa.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite